ቅርብ ቤተሰብ ነው

ውሻ ደግ እንሳስ ሲበዛ ታማኝ ነው
ለሰው ልጆች ወዳጅ ለጌታው ቅርብ ነው
ሲታዘዝ አይሰስት ሲጠብቅ አይሳሳ
ጌታውም ቢያባረው ከበሩ አይነሳ
ደጅ ይጸናል እንጂ ልቡን አይቀይርም
ውሻኮ ሩህሩህ ነው በመርዝ አይገደልም ።

ስንት ክፉ እያለ ለሰው የማይራራ
ወገኑን የሚገድል አረመኔ ፋራ
ለሰው ልጆች ታማኝ ሚናው ማይረሳ
እንዴት ይገደላል ውሻን የመሰለ ምርጥዬ እንስሳ ?

መጽሐፉም ይላል ጻድቅ ልብ ያለው ሰው
ለእንስሳ ይራራል
በውሻ የሚጨክን ከክፉዎች ነው
ልቦናው ደንድኗል ።

የሰው ልጆች ታሪክ በሰፊው ቢዳሰስ
የውሻ ቁርኝት ታሪኩ ቢከለስ
ውሻና የሰው ልጅ ባንድ የሚጋሩት
ስንክሳር አላቸው መቼም የማይረሱት

እናማ ጀለሴ በውሻ አትጨክን
አትምታ አትግደለው
ለሰው ልጆች ወዳጅ
ቅርብ ቤተሰብ ነው ።