PULPOLITIKA

Papa, parapapa… (uh)
hmmmm (makinig)
Papa, parapapa… (gising)
hmmmm
Papa, parapapa…
ohhhh (oh—wahahahaha)

Buksan natin ang unang pahina (ngayon)
Nang malaman natin pano nagsimula (wag kalimutan)
Bagama't may kulang o dagdag sa tula (parang pangako)
Panigurado ang bawat sukat ay magtutugma (kahit baluktot)

Simulan natin sa umpisa (sa totoo)
Kung saan lahat nagkaisa (wala pang kulay)
Sa lahat ng gusto makaisa (lumapit ka)
Ni isa wala sa inyo humusga (noon)

Papa, parapapa… (uh)
hmmmm (hinga)
Papa, parapapa…
Ohhhhh

Ngayon buksan ang pahina ng balita (check)
Kung saan ang mali ginagawang tama (baliktad)
May mikropono ang may pera’t kapangyarihan
Habang ang katotohanan, naka-mute sa gilid lang

Sabi n’yo pantay, sabi n’yo patas (weh?)
Bakit kayo ang laging nakakaangat? (ha?)
Habang kami, “tiis muna” ang sermon
Kayo, “bonus muna” bago eleksyon (uy)

Papa, parapapa… (uh)
hmmmm (ramdam)
Sa likod ng ngiti at press release (plastic)
May bayad na kami—dugo’t pawis (lahat)

Hindi lahat ng tahimik ay sang-ayon (tandaan)
Minsan pagod lang, minsan takot lang (shh)
Kung ang tula’y galit at magulo (so what?)
Gan’to ang bayang matagal ginipit (araw-araw)

Papa, parapapa… (uh)
hmmmm
Ohhhhh

Kung ang awit ay bawal sa kanila (bakit?)
Ibig sabihin may tinatamaan (tama)
Kung ang tanong ay delikado raw (kanino?)
Mas delikado ang katahimikan (ngayon)

Sa huling pahina, walang palakpakan (wala)
May paniningil, may pananagutan (singilin)
At kung itanong nila, “Sino ka ba?” (sino tayo?)
Kami ‘to—hindi nag-iisa, hindi na tatahimik (hindi na)

Papa, parapapa… (uh)
hmmmm
Papa, parapapa…
Ohhhhh